你知唔知，咖啡除咗苦，仲有咩味呢？味蕾可以感受酸，甜，苦，鹹，酸。當中，人類對苦和酸比較敏感，因為這兩種味都會令人容易產生負面評價。所以，在我們喝咖啡時後，很容易會覺得苦。
其實除咗用苦去形容咖啡，我地仲有其他用語可以去形容咖啡嘅味道。
首先係咖啡嘅風味，我地可以去品嚐咖啡所擁有嘅香味，醇厚嘅感覺，同埋咖啡當中嘅酸度。其次，我地都可以去討論咖啡散發出黎嘅味道，即係我地平時話聞到嘅咖啡香。唔同產地嘅咖啡豆都會散發唔同味道例如花香，果香，巧克力味等等。
而係品嚐味道方面，我地又可以去討論咖啡嘅Body，即係咖啡嘅濃稠度。我地可以去形容咖啡比較厚身，面層creama好濃厚，比較醇，又或者係咖啡入口比較淡薄，味道比較清等等。如果想表達咖啡非常苦，其實都可以形容為濃烈，風味強烈。
除此之外，部分咖啡豆仲會有辛烈，鹹味或者酒香味。辛烈嘅咖啡大多數係形容有濃郁酸味嘅咖啡，介乎於酒同水果酸之間。而鹹味主要來會係因為咖啡豆被過度加熱又或者所選取嘅咖啡含有較多礦物質，就會令咖啡產生鹹味。至於酒味，多數都以紅酒或者冧酒最為常見。
其實咖啡仲有好多字眼可以形容，下一次飲咖啡嘅時候，不妨試下慢慢品嚐咖啡各個味道！
Comments